«Бавария» ва «Барселона» дар бозии ниманиҳоӣ

 
Душанбе, 22.04.2015. (АМИТ «Ховар», Меҳрони Қурбон)-Дастаи  «Порту»-и Португалия барои баромадан   ба вохӯриҳои ниманиҳоии Лигаи чемпионҳо дар вохӯрии дуюм  аз дастаи “Бавария” дар Мюнхен шикаст хӯрд. Бояд  зикр  намуд, ки  дар ин вохӯрӣ бозингари  дастаи “Бавария” Роберт Ливандовский ду маротиба тӯбро ба ҳадаф расонд, як  маротибаи дигар   Тяго Алкантара, Жером Боатенг ва Томас Мюллер ташаббус нишон доданд. Дар қисми дуввуми бозӣ дастаҳо сӯйи дарвозаи якдигар 1 тӯбӣ ворид карданд. Ҳамин тариқ, вохӯрӣ 6 бар 1 ба фоидаи дастаи “Бавария” анҷом ёфт. 
Ёдовар мешавем, ки дастаи “Порто” дар дидори аввал дастаи “Бавария”-ро бо натиҷаи 3 бар 1 шикаст дод. 
Дар вохӯрии дигари ҷавобӣ дастаи  “Барселона”-и Испания дастаи “ПСЖ”-и Франсияро дар майдони “Камп — Ноу” шикаст дод. Дар ин бозӣ футболбози бразилиягӣ — Неймар дубл кард. Голи аввалро ӯ бо кумаки Андерс Инйеста ва тӯби дуюмро бо партофти Дани Алвес вориди дарвоза намуд. Баъди ду дидор дастаи «Барселона» бо натиҷаи 5 бар 1 дастаи  “Пари Сен-Жермен”-ро шикаст дод ва роҳхати даври ниманиҳоии мусобиқаро ба даст овард.