Бунёди боғҳои нав дар Файзобод

Файзобод, 04.04.2015 (АМИТ «Ховар», Субҳониддини Маҳмуд).- Бо оғози фасли баҳор сокинони ноҳияи Файзобод ба андозаи 2950 метр корҳои тозакуниро ба анҷом расонида, 13 ҳазору 610 адад дарахт, ки 3420 адади он дарахтмевадиҳанда ва боқӣ сояафкану ороишӣ мебошад, шинониданд.
Бино ба иттилои сардори Кумитаи ҳифзи муҳити зисти ноҳияи мазкур Маҳмадулло Назаров дар ҳудуди ҷамоатҳои ноҳия 134 гектар боғҳои нав бунёд гардидааст.
Ёдрас мешавем, ки  соли ҷорӣ тибқи нақшаи муайянгардида бояд дар ноҳия 83 ҳазор бех ниҳоли гуногун шинонида шавад.