Чорабиниҳои фарҳангӣ барои меҳмонону сокинони пойтахт

Душанбе, 20.04.2015 (АМИТ «Ховар», Фарзонаи Давлат).-18-ум 19-уми апрели соли ҷорӣ новобаста аз вазъи ҳавои пойтахт ба Боғи «Ирам»-и шаҳри Душанбе, ки ҳар шанбею якшанбе чорабиниҳои фарҳангӣ бо дастгирии Кумитаи ҷавонон, варзиш ва сайёҳӣ гузаронида мешаванд, меҳмонону сокинони зиёд омаданд. Бино ба иттилои Мавсума Муинӣ, муовини раиси Кумитаи ҷавонон, варзиш ва сайёҳӣ, меҳмонон ва сокинон аз намоишгоҳе, ки аз тарафи кумита, вазоратҳои тандурустӣ ва ҳифзи иҷтимоии аҳолӣ, фарҳанг, Иттифоқи «Тоҷикматлубот» ва дигар ташкилоту муассисаҳо ташкил шуданд, дидан намуда, як ҷаҳон таассуроти маънавӣ бардоштанд.
 Гуфте мешавад баҳри болидахотирии меҳмонони боғ ансамбли «Славянҳо»-и Донишгоҳи славянии Тоҷикистону Русия ва Театри давлатии ба номи А.Лоҳутӣ ҳунарнамоӣ карданд.
Ба иттилои манбаъ, КВД «Биржаи меҳнатии ҷавонон» тасмим гирифтааст, ки рӯзҳои шанбе ва якшанбеи оянда дар боғи мазкур ярмаркаи чойҳои кориро ташкил намуда, ба корҷӯён ҷойҳои кориро  дар кумита ва сохторҳои он дар маҳал ва ташкилоту муассисаҳои шаҳр  пешниҳод намояд.