Дар Хуҷанд боз як кӯшиши худкушӣ ҷилавгирӣ шуд

Душанбе, 29.04.2015. (АМИТ «Ховар», Муқаддас  Темурзода).- Корманди  милиса  дар  ҳудуди  шаҳри  Хуҷанд  кӯшиши  худкуширо  ҷилавгирӣ  намуд. 
Мувофиқи  маълумоти  ВКД ҶТ,  25  апрел  тахминан   соати  10:00 толибаи  16 — солаи  синфи  10 — уми  яке  аз мактаб — гимназияҳои  шаҳри  Хуҷанд  бо  мақсади  худкушӣ  худро аз  купрук  ба  Сирдарё  ҳаво  дод.
Корманди  шуъбаи  корҳои дохилии   шаҳри  Хуҷанд сержанти  милиса  Алишер  Шарифов, ки  сӯи  дафтари  кориаш  мерафт,  аз ин  ҳодиса  дарак  ёфта, духтари ғарқшударо  аз  об берун  карда, ӯро  аз  худкушӣ  наҷот дод.