Форуми якуми тоҷирони Фаронса ва Тоҷикистон

Душанбе, 27.04.2015. (АМИТ «Ховар»,  Кристина  Эрлих).- Чанде  пеш  дар   шаҳри  Душанбе  форуми  якуми тоҷирони Фаронса  ва  Тоҷикистон  баргузор гардид, ки  дар  кори он  беш  аз  50  нафар  намояндагони  аҳли  тиҷорати  ҳар  ду  кишвар  ва вазорату  идораҳои дахлдор  ширкат  доштанд. 
Назар ба  иттилои  Палатаи  савдо  ва  саноати  Тоҷикистон,  дар  ҷараёни  форум  масоили  вазъи  сармоягузорӣ  дар  кишвар  мавриди  муҳокима  қарор  гирифта,  аз  ҷумла,  якчанд   лоиҳаҳои   бахши  сохтмон  ва энергетика  пешниҳод   гардид. 
«Кишварҳои  мо барои  ҳамкории бисёрҷониба имконоти  зиёде  доранд. Имрӯз  13  ширкати  Фаронса  дар  бахшҳои  иқтисодиёт  ва хидматрасонии Тоҷикистон фаъолият  доранд», — гуфт сафири  Фаронса дар  Тоҷикистон Дидье Леруа.