Ифтитоҳи маркази адрасу атласбофӣ дар ноҳияи Б. Ғафуров
Хуҷанд, 16.04.2015. (АМИТ “Ховар”, Абдуаҳад Шарифзода).-Баҳри эҳёи ҳунарҳои милливу мардумӣ ва ҷалби бештари занону духтарон ба касбу ҳунаромӯзӣ солҳои охир дар вилояти Суғд аз ҷониби роҳбарияти мақомоти вилоятӣ таваҷҷуҳи хосса зоҳир мешавад. Ин аст, ки дирӯз бо иштироки раиси вилояти Суғд Абдураҳмон Қодирӣ дар ҷамоати деҳоти Ҳайдар Усмонови ноҳияи Бобоҷон Ғафуров аввалин маркази таълимии адрасу атласбофии “Дугонаҳо” ба фаъолият оғоз намуд. Раиси вилоят зимни иштирок дар маросими ифтитоҳи марказ иброз дошт, ки ҳадаф аз роҳандозии чунин тадбири муҳим- ин пеш аз ҳама бо ҷойи кори доимӣ таъмин намудани занону духтарон ва инчунин ба ин васила коҳиш додани сафи занони муҳоҷир буда, дар ин раванд замина гузоштан баҳри соҳибкасб намудани занҳои хонашин ва ба роҳ мондани меҳнати хонагист.
Ба гуфти Абдураҳмон Қодирӣ соли равон дар тамоми ҷамоату деҳоти вилоят таъсиси чунин марказҳо дар назар гирифта шуда, ба ин васила дар ҳудуди вилоят дар нақша аст беш аз 9 ҳазор нафар бонувони хонашин соҳибкасб гарданд. Аз ҷониби рохбари вилоят 20 адад дастгоҳи адрасбофӣ ройгон тақдим шуда, ёдрас гардид, ки минбаъд низ ба ҷамоату деҳоти фаъол чунин дастгоҳҳо ройгон тақдим хоҳанд шуд.
Бояд гуфт, ки алъон дар маркази таълимии адрасу атласбофии “Дугонаҳо” 20 дастгоҳи адрасбофӣ ва 15 мошинаи чокдӯзӣ насб шуда, дар маҷмӯъ 60 нафар занону духтарони маҳаллӣ ба касбомӯзӣ фаро гирифта шуда, онҳо дар давоми 3 моҳ бо нозукиҳои адрасбофӣ омӯзонида мешаванд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
