Манъи вуруди молҳое, ки тарғибгари фарҳанги ғайранд
Душанбе, 21.04.2015.(АМИТ «Ховар», Марзия Саидзода).- Интизор меравад, ки дар оянда воридоти либосҳое, ки ба фарҳанги мардуми тоҷик бегона аст, ба пойтахт манъ карда шуда, ҳамзамон чунин либосҳо аз нуқтаҳои савдо барчида хоҳанд шуд. Дар ин росто раиси шаҳри Душанбе Маҳмадсаид Убайдуллоев дар ҷаласаи шаҳрдорӣ масъулини сохторҳои пойтахт, аз қабили Агентии стандартизатсия, метрология, сертификатсия ва нозироти савдо оид ба шаҳри Душанберо вазифадор кард, ки ҷиҳати боздошти воридшавии молу маҳсулот ва либосҳои мавриди таваҷҷуҳ ва барчидани онҳо аз нуқтаҳои савдо тадбирҳои воқеӣ андешанд.
Ин тадбири шаҳрдорӣ бо мақсади риояи расму оинҳои миллӣ, ҳифзи арзишҳои маънавӣ ва ҷилавгирӣ аз таблиғоти фарҳанги бегонаи адёнӣ дар шаҳри Душанбе, ки пойтахт аст, андешида шудааст.
Мавриди зикр аст, ки қаблан атрофи масъалаи рӯ овардани духтарону занони тоҷик ба фарҳанги либоспӯшии мардумони ғайр Президенти кишвар Эмомалӣ Раҳмон дар остонаи ҷашни Рӯзи Модар дар моҳи март изҳори нигаронӣ намуда гуфт: «Танҳо сатру сиёҳпӯшӣ ва кӯркӯрона тақлид намудан ба фарҳанги бегона нишонаи боиффат будани занону духтарон нест».
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
