Мавсими кишт оғоз шуд

Кўлоб,11.04.2015. (АМИТ «Ховар», Фарҳоди Мадамин).-Мусоид омадани боду ҳаво дар чанд рӯзи охир имкон дод, ки деҳқонон дар Кӯлоб ба кишту кори баҳорӣ шуруъ кунанд. Бо дуои пирони кор нахуст дар хоҷагии деҳконии «Мадином Ибронов»-и ҷамоати «Зарбодор» ва «Давлат Назар»-и ҷамоати Кӯлоб корҳои пахташинонӣ оғоз гардиданд. Ба гуфти сардори раёсати кишоварзии шаҳр Мунир Шарофиддинов: «Мутобиқи дурнамо дар хоҷагиҳои чор ҷамоати  Кӯлоб дар майдони 3200 га пахта кишт хоҳад шуд. Иқлими Кӯлоб барои кишти навъҳои «Сорбон», «Ориёӣ» ва хитоӣ мусоид мебошад ва ҳамасола деҳқонон аз ин навъҳо ҳосили фаровон ба даст меоранд. Кишт дар ҷамоатҳои «Зиракӣ» ва «Даҳана», ки андаке иқлими сард доранд, дертар гузаронида хоҳад шуд».