Муҳокимаи масоили истеҳсоли маҳсулоти мудофиавӣ

Душанбе,10.04.2015 (АМИТ «Ховар» Кристина Эрлих). 9 апрел вазири  саноат ва технологияҳои нави ҶТ  Шавкат  Бобозода ва раиси Шӯрои кории назди комиссияи байнидавлатии СААД  Александр Ноздрачев  масоили  роҳандозии истеҳсоли маҳсулоти мудофиавӣ  дар корхонаҳои  саноатии Тоҷикистонро  мавриди муҳокима қарор доданд.
Назар  ба  иттилои Вазорати саноат ва  технологияҳои  нави ҶТ,  ҷонибҳо  имконияти  ҳамкорӣ   дар амри истеҳсоли  маҳсулоти  мудофиавиро   баррасӣ  намуда,  аз ҷумла,  дар  бораи  ташкили  корхонаҳои  муштараки   истеҳсолкунандаи  нимтанаҳои  пахтагин  дар Корхонаи  воҳиди  давлатии «Нури Ховар»  сухан карда  шуд.
Ғайр  аз  ин, масъалаи  истехсоли  матои  либосворӣ  барои  муассисаҳои  мудофиавӣ  дар Ҷамъияти  масъулияташ махдуди «Хуҷанд  Инвест Коттон»  ва  роҳандозии  ҳамкории муштараки  байни  Ширкати пояфзолдӯзии «Фариде» —  Русия ва Ҷамъияти масъулияташ  маҳдуди «Пойафзоли чармӣ» -и Тоҷикистон  мавриди муҳокима  қарор гирифт.