Ронандаи гумонбар дастгир шуд

Душанбе, 30.04.2015. (АМИТ «Ховар», Муқаддас Темурзода).- 28 апрел дар қитъаи роҳи байни ноҳияи Абдураҳмони Ҷомӣ ва шаҳраки Қизилқалъаи вилояти Хатлон садамаи нақлиётӣ рух дода, бар асари он як марди 30 сола ҳалок гардид.Назар ба иттилои ВКД ҶТ, соати 05:00 субҳ ронандаи номаълум роҳгузарро зер карда, аз маҳалли воқеа нопадид шуд. Баъди амалиёти махсуси кормандони милиса ронандаи 58 солаи мошини тамғаи «Opel Astra» — сокини ноҳияи Абдураҳмони Ҷомӣ дастгир гардид.Нисбат ба ин шахси гумонбаршуда парвандаи ҷиноӣ кушода шудааст.