Сафари ҳунарии «Гулшан» дар Суғд

Душанбе,03.04.2015 (АМИТ “Ховар”, Рафоати Абдулҳамид).- Ба иттилои Вазорати фарҳанги Ҷумҳурии Тоҷикистон аз 29- уми  март то 8-уми  апрели соли ҷорӣ дар вилояти Суғд бори нахуст барномаи консертии Оркестри давлатии эстрадии «Гулшан» баргузор мегардад.
Барномаи консертӣ бидуни фонограмма буда, дар шаҳру ноҳияҳои Ғончӣ, Исфара, Чкаловск, Б. Ғафуров, Ҷ. Расулов ва Конибодом бо ҳунарнамоии роҳбари бадеии Оркестри «Гулшан», Ҳунарпешаи шоистаи Ҷумҳурии Тоҷикистон — Бахтиёр Иброҳимов, инчунин бо иштироки Суруш Холов, Сарвиноз Ақназарова, Ховар Муродов, С.Сангинов, С.Раҷабов ва дигарон пешкаш хоҳад шуд.