Суғд: афзоиши бунёди боғу токзори нав

Хуҷанд, 21.04.2015. (АМИТ “Ховар”, Абдуаҳад Шарифзода).-Дар хоҷагиҳои кишоварзии шимоли кишвар майдони бунёди боғу токзори нав рӯ ба афзоиш дорад. Тавре ки мутахассиси идораи кишоварзии вилоят Неъмат Тоҷибоев иттилоъ дод, дар миқёси вилоят  то 1 апрели соли равон дар ҳамаи бахшҳои хоҷагиҳо 1194,6 га боғи нав ва дар майдони 35,2 га токзори нав бунёд шудааст.       Дар ин раванд, аз ҳисоби умумии боғҳо дар майдони 184,4 га ниҳолҳои мевагиҳои тухмдор, дар 1004,2 га ниҳолҳои мевагиҳои донакдор, дар 3,3 га ниҳолҳои мевагиҳои мағздор ва дар 2,2 га ниҳолҳои ситрусӣ шинонида шуданд. 
Ғайр аз ин,  то санаи мазкур 261,6 га боғ ва 8,1 га токзор аз нав барқарор гардид. 
 — Инчунин дар умум дар семоҳаи аввали соли ҷорӣ ҳаҷми маҳсулоти умумии кишоварзӣ  низ  дар ҳамаи бахшҳои хоҷагӣ нисбат ба ҳамин давраи соли гузашта ба андозаи 6,4%  зиёд гардидааст, — афзуд манбаъ.