Суғд: Хариди таҷҳизоти нави тиббӣ

Душанбе, 28.04.2015. (АМИТ “Ховар”, Ситораи Боймурод).- Бо кумаки Мақомоти иҷроияи ҳокимияти давлатии шаҳри Хуҷанд Беморхонаи шаҳрии № 1 соҳиби таҷҳизоти наву муосир гашт.
Тавре ки дар ин бора хадамоти матбуоти раиси вилояти Суғд хабар додааст, маблағи умумии таҷҳизоти воридгардида 300 ҳазор сомонӣ буда, он аз 17 намуди воситаҳои техникии тиббӣ иборат аст.
Гуфта мешавад, ки се таҷҳизоти воридгардида- видеостати эндоскопӣ, барои гузаронидани амалиёти ҷарроҳӣ, кардиомонитор барои назорати фаъолияти дил ва инфузомат барои таъмин ва назорати гузаронидани дору ба таври мунтазам ба бемор бори аввал харид гашта, барои сифатан беҳтар гаштани  муолиҷаи беморон муҳим арзёбӣ мешавад.