“Вакхабонувон” дар театри Конибодом

Хуҷанд, 28.04.2015. (АМИТ “Ховар”, Абдуаҳад Шарифзода).- “Вакхабонувон”- чунин ном дорад намоишномаи наве , ки дар театри давлатии драмавӣ-мусиқии ба номи Туҳфа Фозиловаи шаҳри Конибодом таҳия шуда истодааст. 
 Тавре  ки ба АМИТ “Ховар” аз шуъбаи фарҳанги шаҳр итттилоъ доданд, намоишнома аз рӯи асари драматурги Юнони қадим Еврипид омода шуда, коргардони маъруфи Осиё Авлиёқулӣ Хоҷақулиев ҳоло  ҷиҳати  таҳия  ва ба  саҳнагузории  ин  намоишнома  дар  театри  шаҳри  Конибодом  қарор  дорад. 
  Муҳтавои намоишнома фалсафаи ҳаётӣ дошта, ғояҳои миллӣ, ахлоқу фарҳанги хоссаи на танҳо як миллат, балки тамоми инсониятро дар бар мегирад. «Вакхабонувон» ном гирифтани намоишнома аз он аст, ки дар намоишнома бештар занон нақш офаридаанд.  Намоишнома дар нимаи моҳи май омода ва пешкаши дӯстдорони ҳунари театрӣ хоҳад шуд.