Ярмаркаи ҷойҳои корӣ дар Истаравшан

Душанбе, 29.04.2015. (АМИТ  «Ховар», Лайло Тоирӣ).- Бахши Хадамоти мухоҷират дар шаҳри Истаравшан, бахшида ба Иди 1-уми май дар назди бинои Литсеи касбӣ-техникии №14, дар якҷоягӣ бо Раёсати Агентии меҳнат ва шуғли аҳолӣ  дар шаҳри Истаравшан ярмаркаи ҷойҳои корӣ ва вазифаҳои озодро баргузор намуд. 
         Дар ярмарка корхонаву муасисаҳои шаҳри Истаравшан иштирок намуда, ҷойҳои кориро ба шаҳрвандон пешниҳод намуданд.
Ба 7 нафар муҳоҷирони меҳнатии ба Ватан баргашта роҳхат дода шуда, бо ҷойи кор таъмин шуданд.
     Ба 5 нафар ба Маркази таълими  калонсолон ҷиҳати омўзиши касби барқчӣ тавсия дода шуда, онҳо  номнавис шуданд.
Тибқи нақша бахшида ба дигар идҳо низ чунин ярмаркаҳо гузаронида мешаванд.