Ҷаласаи саҳмдорони НБО «Роғун» дар назди Сарвазир

Душанбе, 22.05.2015 (АМИТ «Ховар», Фарзонаи Давлат).-Имрўз  дар  шаҳри  Душанбе  маҷлиси  умумии солонаи саҳмдорони  ҶСК «НБО Роғун» баргузор  шуд.
Дар  маҷлиси  умумии  саҳмдорон  нахуст  ҳисоботи  солона ва ҳисоботи  баҳисобгирии муҳосибавии ҶСК «НБО Роғун» дар соли 2014,  хулосаи аудитори ҷамъият ва ҳисоботи комиссияи тафтишотӣ шунида шуда,  аз тариқи  овоздиҳӣ  ба оинномаи ҶСК «НБО Роғун» тағйиру иловаҳо ворид шуданд.
Ҳамчунин  дар  маҷлис  доир  ба  интихоби  аъзои  Шўрои  нозирон,  комиссияи  тафтишотӣ,    комиссияи  баҳисобгирии   ҶСК «НБО  Роғун»  ва   дар  хусуси зиёд  намудани  сармояи   оинномавии  ҷамъияти  саҳомӣ  аз тариқи  бюллетенҳо  овоздиҳӣ  гузаронида  шуд. 
Мувофиқ ба низомномаи  маҷлисҳои  умумии саҳмдорони ҶСК «НБО Роғун»  ҷаласаи  солона   таҳти  раёсати  Сарвазири Ҷумҳурии  Тоҷикистон — раиси Шўрои нозирони ҶСК «НБО Роғун» Қоҳир  Расулзода  баргузор гардид.
Дар  маҷлис  аъзои  Шўрои  нозирон, саҳмдорони  ҷамъият аз тамоми   шаҳру  ноҳияҳои  мамлакат, роҳбарияти  неругоҳ, ва  намояндагони   мақомоти  назоратии  ҶСК «НБО Роғун»  иштирок  намуданд.