Ҷаласаи Шӯрои кор бо ҷавонони ИДМ дар Душанбе
Душанбе, 12.05.2015 (АМИТ «Ховар», Фарзонаи Давлат).-Шурӯъ аз имрӯз, 12-уми майи соли равон дар Тоҷикистон ҷаласаи навбатии Шӯрои кор бо ҷавонони давлатҳои аъзои Иттиҳоди давлатҳои Мустақил (ИДМ) баргузор гардида истодааст.
Дар кори ҷаласаи мазкур аъзои Шӯро аз кишварҳои Арманистон, Озарбойҷон, Беларус, Қазоқистон, Қирғизистон, Молдова, Тоҷикистон ва Русия иштирок дошта, дар назар аст дар кори ҷаласа 17 масъала вобаста ба тадбиқи сиёсати давлатии ҷавонон дар доираи ИДМ, иҷрои нақшаи кории ҷаласаи Шӯрои кор бо ҷавонони давлатҳои аъзои ИДМ барои солҳои 2014-2015, амалисозии Стратегияи ҳамкориҳои байналмилалии ҷавонони ИДМ, татбиқи сиёсати давлатии ҷавонон дар Тоҷикистон баррасӣ гардид.
Ҳамчунин дар назар аст дар ҷаласа лоиҳаи низомнома дар бораи ташкили заминаи рушди фаъолияти соҳибкории ҷавонони давлатҳои иштирокчии ИДМ, ҳолат ва дурнамои таҷрибаи баҳогузории вазъи ҷавонон дар давлатҳои аъзои ИДМ, баррасии нақшаи кории ҷаласаи Шӯрои кор бо ҷавонони давлатҳои аъзои ИДМ барои солҳои 2016-2017 ва дигар масъалаҳо мавриди таҳлилу баррасии иштирокчиён қарор мегирад.
Дар кори ҷаласаи Шӯро раиси Кумитаи ҷавонон, варзиш ва сайёҳӣ, аъзои Шӯро Аҳтам Абдулозода иштирок намуда, вобаста ба дастовардҳои ҷавонон дар даврони истиқлолияти кишвар маърӯза намуд.
Гуфта мешавад, кори ҷаласаи Шӯрои кор бо ҷавонони давлатҳои аъзои ИДМ фардо низ дар Тоҷикистон идома хоҳад кард.
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
Алоқа барои сохтмон: чӣ тавр имконоти мобилӣ дар бунёди иншоот дар саросари Тоҷикистон кумак менамояд?
Имрӯз дар водиҳои Тоҷикистон ҳаво то 21 дараҷа гарм мешавад
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Агентии суғуртаи иҷтимоӣ ва нафақа Рӯзи Парчами Тоҷикистонро ботантана ҷашн гирифтанд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
Имрӯз дар Тоҷикистон ҳавои камабри бебориш пешгӯӣ мешавад
