Ҷиргатол: кишти картошка дар авҷ аст

Нуробод, 16.05.2015. (АМИТ «Ховар», Субҳониддини Маҳмуд).- «Имсол 2180 гектар кишти картошка дар ноҳияи Ҷиргатол ба накша гирифта шуда, аз ин 1500 гектар ичро шуд». Дар ин бора раиси раёсати кишоварзии ноҳияи мазкур Азиз Диёров ба хабарнигори АМИТ «Ховар» иттилоъ дод.Манбаъ афзуд, ки дар айни ҳол дар ноҳия ҳамчунин дар 1380 гектар ғаллаи баҳорӣ ва 730 гектар ғаллаи тирамоҳӣ, 50 гектар боғ ва 50 гектар сабзавот пурра кишт гардида, нақша барзиёд иҷро шудааст. Имрӯзҳо деҳқонони ноҳия аз рӯзҳои офтобӣ истифода карда, картошка кишт доранд. Ҷамоати деҳоти Ҷиргатол аввалин шуда 129 гектар нақшаи кишти картошкаро иҷро кард.