Форуми байналмилалӣ дар ДТТ

   Душанбе, 15.05.2015. (АМИТ»Ховар», Моҳинави Наврӯз).- Аз 15 то 17 майи соли 2015 дар Донишгоҳи технологии Тоҷикистон форуми байналмилалии «Ҷавонон — неруи рушди зеҳнии кишвар» ҷараён мегирад. 
   Имрӯз дар ДТТ аввалин форуми байналмилалии «Ҷавонон — неруи рушди зеҳнии кишвар» бо икдоми ДТТ ва Кумитаи чавонон, варзиш ва сайёхии назди Ҳукумати Ҷумхурии Тоҷикистон, Вазорати саноат ва технологияҳои нави Ҷумҳурии Тоҷикистон, Вазорати маориф ва илми ҶТ ва Маркази илмию фарҳангии «Россотрудничества» дар ҶТ ва бо иштироки Марҳабо Ҷабборӣ, муовини Сарвазири Ҷумҳурии Тоҷикистон, Абдуҷаббор Раҳмонов, ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа,  Нуриддин Саид, вазири маориф ва илми ҶТ, Шавкат Бобозода, вазири саноат ва технологияҳои нави ҶТ ва Аҳтам Абдуллозода, раиси Кумитаи ҷавонон, варзиш ва сайёҳии назди Ҳукумати ҶТ баргузор гардид.  
Дар форуми байналмилалии «Ҷавонон — неруи рушди зеҳнии кишвар» донишҷӯёне, ки дар ДТТ таҳсил менамоянд, лоиҳаҳо ва ихтирооти худро муаррифӣ ва пешкаши ҳозирин намуданд.