Гуфтугӯ дар бораи имконияти таҳсил дар хориҷа

Душанбе, 04.05.2015. (АМИТ «Ховар»,  Фарзона  Достонзода).- 2 май  дар  шаҳри  Душанбе  иқдоми  ҳарсола  дар  мавзӯи «Сайри  маърифатии  ҷаҳон» баргузор  гардид. 
Тавре  ки  аз «Маркази  таҳсилот дар  хориҷа»  ба  АМИТ «Ховар»  хабар доданд,  мақсади  асосии  чорабинӣ иборат  аз  шиносоии  хатмкунандагони  мактабҳои  Тоҷикистон  бо  имконияти таҳсил  дар  донишгоҳҳои  хориҷӣ  буд.
Ба  гуфтаи  манбаъ, дар  байни  иштирокдорони  ин  чорабинӣ  намояндагони  донишкадаҳои олӣ ва марказҳои таҳсилотии ИМА, Канада ва  Маҷористон  ҳозир  буданд. 
Имконияти  коромӯзӣ  дар  ИМА, тахфифи маблағи таҳсил  дар  Маҷористон, ҳунарнамоии  гурӯҳи  рақсии «Дунёи  нав»  ва ширинкорони  касбӣ,  ҳамчунин  мусобиқоти  Маркази варзишии «Қувват» таваҷҷуҳи  бештари ҳозиронро ба  худ  ҷалб  намуд.