Хуҷанд: Рӯзи дарҳои кушод дар қисми низомӣ

Хуҷанд, 15.05.2015. (АМИТ “Ховар”, Абдуаҳад Шарифзода).-Дар шаҳри Хуҷанд дар доираи таҷлили Рӯзи ҷавонон дар қисми ҳарбии 3501 ВКД ҶТ “Рӯзи дарҳои кушод” доир гардид. Тавре ки сардори Раёсати ҷавонон, варзиш ва сайёҳии шаҳри Хуҷанд Бахтиёр Исматҷонов  иттилоъ дод,  чорабинӣ таҳти унвони «Ҷавонон-давомдиҳандагони ҳадафҳои олии кишвар» бо мақсади шиносоии ҷавонони синни тодаъватӣ бо шароити хизмати сарбозону афсарон баргузор гардида, дар он 300 нафар ҷавон иштирок намуда, бо шароити хизмати сарбозон, ҷои хоб ва техникаҳои муосири ҷангӣ шинос шуд. 
Маҷмааи нави қисми низомии 3501 қӯшунҳои дохилӣ аз як бинои панҷошёна, як бинои дуошёна ва чандин биною иншооти дигар иборат буда, он ҳамчунин бо техникаи зарурӣ, яроқу аслиҳа, дигар лавозимоти муосири ҳарбӣ ва заминаи моддию техникии машқу тамрини касбӣ таъмин аст.