Ифтитоҳи Осорхонаи таърихӣ — мадрасаи «Мирраҷаб Додхоҳ»
Душанбе, 28.05.2015. (АМИТ «Ховар»).- 27 май сафири ИМА Сюзан Эллиотт ва раиси шаҳри Конибодом Ғайбулло Боҳирӣ Осорхонаи таърихӣ — мадрасаи «Мирраҷаб Додхоҳ» — ро дар вазъияти ботантана ифтитоҳ намуданд.
Мадрасаи «Мирраҷаб Додхоҳ», ки дар нимаи дуюми асри ХУП (солҳои 1659 — 1669) бунёд шуда буд, таҳти назорати Вазорати фарҳанг қарор дорад. Моҳи сентябри соли 2013 Созмони ҷамъиятии «Тараққиёт» — и Тоҷикистон барои таъмири мадраса аз ҳисоби қарзи бебозгашти «Хазинаи сафир барои ҳифзи осори фарҳангӣ» — и ҳукумати ИМА 79 ҳазору 600 доллари ИМА тахсис дод.
Тавре ки аз сафорати ИМА дар ҶТ хабар доданд, хазинаи мазкур барои ҳифзи ёдгориҳои фарҳангии беш аз 100 кишвари тараққиёбандаи саросари ҷаҳон маблағ ҷудо мекунад.
Хазинаи сафир ҳамчунин барои интишори феҳрасти ёдгориҳои фарҳангию таърихии Тоҷикистон, ки онро Вазорати фарҳанг ба ифтихори 20 — солагии истиқлолияти Ҷумҳурии Тоҷикистон таҳия намуд, маблағ ҷудо кардааст.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
