Конфронс бахшида ба Ҳафтаи китоб

Тоҷикобод, 04.05.2015. (АМИТ «Ховар», М. Ризвон).-Дар бинои китобхонаи марказии ноҳияи Тоҷикобод дар доираи Фестивали ҷумҳуриявии «Ҳафтаи китоби кӯдакон ва наврасони Тоҷикистон» конфронси адабӣ-мусиқӣ баргузор гардид. 
Директори муассисаи таҳсилоти миёнаи умумии №13 деҳаи Капалӣ Сӯҳроб Ваҳҳобов, адибон Баёни Хоҷа ва Давлатмуроди Баллаҷон доир ба мақоми китоб дар тарбияи маънавии инсон сухан карданд. Шеъру сурудхонии хонандагон ва ҳунарнамоии сарояндаи хушовози ансамбли рақсу таронаи назди бахши фарҳанги ноҳия Зайнаб Аҳмадҷонова дар қисмати дуввуми конфронс хеле гуворову хотирмон буд.