«Нақши ҷавонон дар рушди илми ватанӣ»-конфронси илмӣ-амалӣ

Душанбе 22.05.2015 (АМИТ «Ховар», Фарзонаи Давлат).-Имрӯз дар доираи 30 рӯзи ҷавонӣ ба ифтихори Рӯзи ҷавонони Тоҷикистон Академияи илмҳои Тоҷкистон дар ҳамкорӣ бо Шӯрои олимони ҷавони Тоҷикистон дар дараи Ромит конфронси илмӣ-амалӣ таҳти унвони «Нақши ҷавонон дар рушди илми ватанӣ» доир гардид.Дар конфронс академикҳо, олимону муҳаққиқони ҷавони кишвар аз минтақаҳои кишвар иштирок дошта, дар маросими оғози он роҳбарони Академияи илмҳо, Кумитаи ҷавонон, варзиш ва сайеҳӣ доир ба мавзӯи мазкур маърӯза карда, нақши олимони ҷавонро дар рушди илми тоҷик арзанда маънидод намуданд.Такид гардид, ки имрӯз Ҳукумати Тоҷикистон барои боз ҳам рушд ёфтани илми тоҷик ҳама гуна тадбирҳои амалиро андешида истодааст ва барои дастгирии олимони ҷавон Ҷоизаи ба номи И.Сомонӣ, ки дар соҳаи илму техника корҳои намоён анҷом додаанд, таъсис гардидааст. Гуфта мешавад имсол бо қарори Ҳукумати Тоҷикистон аз 6 ба 12 адад зиёд шудааст, ки он ҳамасола бевосита аз ҷониби Сарвари давлат дар арафаи таҷлили Истиклолияти давлатии Тоҷикистон ба барандагони Ҷоизаи мазкур супорида мешавад. Кори конфронси мазкур то бегоҳи имрӯз идома ёфта, маърӯзаҳои илмиву амалии олимони ҷавон шунида хоҳанд шуд.