«Нигоҳи нав»- оғози 4-умин ҷашнвораи театрӣ

Душанбе 13.05.2015 (АМИТ «Ховар», Фарзонаи Давлат).-4-умин ҷашнвора-озмуни ҷумҳуриявии театрии ҷавонон «Нигохи нав» аз 16-ум то 20-уми майи соли равон дар Театри давлатии драмавии русии ба номи В. Маяковский доир гашта, ҳамарӯза ду намоиш соатҳои 10-и субҳ ва 18-и шом дар назар аст. Бино ба иттилои масъулин, кушодашавии ҷашнвораи мазкур рӯзи 16-ум доир гашта, дар он 7 гурӯҳ иштирок мекунад, ки як гурӯҳи он ғайри озмунӣ мебошад.Гуфта мешавад, ҷоизаҳо аз беҳтарин нақши лаҳзавӣ сар кардаҳ то коргардони беҳтарину намоиши беҳтарин то Шоҳҷоиза дар назар аст.Сарпарастони имсолаи ҷашнвора-озмун Дафтари ҳамкории Швейтсария дар Тоҷикистон, ширкатҳои ватании «Баҳманруд», «Рухом» ва «Мария» мебошанд. Ҳамкорӣ бо лоиҳаро Вазорати фарҳанг ва Муассисаи давлатии телевизиони «Сафина», ҳамчунин дастгирии иттилооти моро радиоҳои «Ховар», «Ватан», «Имрӯз» ва рӯзномаҳои ватанӣ ба уҳда гирифтаанд. Ёдрас мешавем, ки Ташкилоти ҷамъиятии «Нигоҳи нав» ҳамасола ҳамчун ҷашнвораи ҷумҳуривӣ доир мешавад.