Таҷлили ҷашни ҷавонию зебоӣ дар Файзобод

Файзобод, 25.05.2015.(АМИТ «Ховар», Субҳониддини Маҳмуд).-Бахшида  ба Рӯзи ҷавонон дар қасри  фарҳанги  ноҳияи Файзобод бо  ибтикори  бахши  ҷавонон,  варзиш ва  саёҳии ноҳияи Файзобод чорабинии  идона баргузор гардид, ки дар  он муовини  раиси  ноҳия  Сайбӣ Раҷабова , сардори бахши  ҷавонон,  варзиш ва  сайёҳии  ноҳия  Умед  Раҳимов ва  мудири   маорифи ноҳия  Файзулло Наҷмиддинов  ҷавонони  ноҳияро  бо ҷашни ҷавонию зебоӣ табрик  намуда, баҳрашон  рӯзҳои нек,  саодатмандию зиндагии осударо таманно  карданд.
 Сардори  бахши  ҷавонон, варзиш  ва  сайёҳии ноҳия  Умед  Раҳимов барои  саҳмгузорӣ  ва иштироки  фаъолона   дар  чорабиниҳои  «30 рӯзи ҷавонӣ»  ва «Ҷавонон  давомдиҳандагони ҳадафҳои олии кишвар» ба  фаъолҷавонони ноҳия  ва ташкилоту   муассисаҳои  таълимии  ноҳия  ифтихорнома ва  туҳфаҳои  хотиравӣ тақдим  кард.
 Ҳамчунин  мудири  маорифи ноҳия  Файзулло Наҷмиддинов  ба  устодон  ва  толибилмоне, ки  дар  озмунҳо  ва  олимпиадаҳои  ноҳиявию ҷумҳуриявӣ ғолиб омада буданд,  диплому  сертификат  ва  ифтихорномаю медалҳо  супориданд.