Тарғиби тарзи солими зиндагӣ дар донишкадаҳои олии Хуҷанд

Душанбе, 28.05.2015. (АМИТ «Ховар»,  Кристина  Эрлих).- Кормандони Раёсати Агентии назорати  маводи  нашъаовари  назди  Президенти  ҶТ  дар  вилояти  Суғд  ба  манзури  тарғиби   тарзи  солими  зиндагӣ байни табақаҳои  мухталифи  аҳолӣ чорабиниҳои  зидди   маводи  мухаддирро   роҳандозӣ  менамоянд.
Ҳамин  ҳафта вохӯриҳо бо омӯзгорон  ва  донишҷӯёни  факултаҳои  гуногуни Донишгоҳи давлатии  Хуҷанд ба  номи  академик Б.Ғафуров ва Донишкадаи  иқтисод ва  савдои  шаҳри  Хуҷанд  баргузор гардиданд.
Тавре  аз  Агентии  назорати  маводи  нашъаовари  ҶТ  ба  АМИТ «Ховар»  хабар доданд,  зимни  вохӯриҳо  масоили  ҷилавгирии  маводи  мухаддир,  проблемаҳои  нашъамандии  ҷавонон  ва  ҷалби  онҳо  ба  созмонҳои  мухталифи   террористию  ифротгароӣ мавриди муҳокима  қарор  гирифтанд.