«Тозагии соҳил-2015»- иқдоми ободкорона
Душанбе, 26.05.2015.(АМИТ «Ховар», Назири Назир).-Бо мақсади пешгирии ифлосшавии соҳилҳои дарёю каналҳо ва ҷалби бештари шаҳрвандон дар тоза намудани соҳилҳо дар шаҳри Ваҳдат иқдоми «Тозагии соҳил-2015» баргузор гардид, ки дар он кормандони ташкилоту корхона, муассисаҳои таълимӣ, шаҳрвандон ва сокинони ҷамоатҳои деҳот, дар маҷмўъ зиёда аз 450 шаҳрванд фаъолона иштирок намуданд.
Мавзеи гузаронидани иқдом ҳудуди шаҳри Ваҳдат- ҷамоатҳои деҳоти Гулбоғ, Баҳор, Симиганҷ ва Чўянгарон буд. Барои кашонидани партовҳо 3 адад мошини боркаш ва борбардор аз ҳисоби Муассисаи манзилию коммуналӣ, Идораи хоҷагии об, КВД ва хоҷагиҳои деҳқонӣ сафарбар шуд. Ҳудуди 5 километр соҳили манбаъҳои обӣ тоза шуда, ҳаҷми партовҳои баровардашуда 25 метри мукаабро ташкил намуд.
Иқдоми «Тозагии соҳил-2015» ҳамчунин дар ноҳияи Файзобод баргузор гардид.
Шуъбаи ҳифзи муҳити зисти ноҳияи Файзобод зимни иҷрои нақшаҳои корӣ дар 9 ҷамоати ноҳия бо ҷалби кормандони ташкилоту муассисаҳо, мактабҳои таҳсилоти умумӣ ва кормандони хоҷагии манзилию коммуналии ноҳия зиёда аз 890 нафар ба ҳашар баромада, 49м3 партовҳоро аз соҳили ҷўйбору дарёҳо ҷамъоварӣ намуда, ба партовгоҳ бароварданд, ки дар натиҷа ба миқдори 1043 м дарёву каналҳо аз партовҳо тоза шуданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
