43 террорист дар Афғонистон маҳв гардид

Душанбе, 29.06.2015. (АМИТ «Ховар», Тоҷиддин Аҳмадзода)-Тӯли  24 соати гузашта дар минтақаҳои гуногуни Афғонистон аз ҷониби неруҳои ин кишвар чанд навбат  амалиёти низомӣ сурат гирифт, ки дар натиҷа 43 нафар террористон маҳв гардида, 25 нафари дигар чароҳат бардошт Амалиёти ҷангӣ дар минтақаҳои Ғазнӣ, Ҳилманд, Кундуз, Нуристон, Форёб ва Урузгон гузаронида шуд. Ҳамчунин гуфта мешавад, ки дар  ҷараёни ин амалиёт ду нафар аз артиши миллии Афғонистон ҳалок гардид.