Ҳатто «ал-Қоида» ваҳшонияти ДИИШ-ро маҳкум мекунад

Душанбе, 29.06.2015. (АМИТ «Ховар»). — Ал-қоида, ки худ созмони террористӣ аст, ваҳшонияти ба номи «Давлати исломӣ»-ро, маҳкум кардааст.

Тибқи иттилои расонаҳои ҷаҳонӣ, созмони террористии «ал-Қоида» ваҳшонияте, ки ҷангиёни ДИИШ нисбати мусулмон раво мебинанд,   маҳкум карда, изҳор доштааст, ки «шумо ҳаргиз биҳиштро нахоҳед дид».

Ин хабарро аз забони Адам Гадан, намояндаи воломақоми ал-Қоида»  ABC News интишор намудааст.

Ин изҳорот дар посух ба таркишҳои пурдаҳшати марговари ДИИШ дар як меҳмонхонаи Тунис ва масҷид дар Кувайт садо додааст.

Хотиррасон бояд намуд, ки рӯзи ҷумъаи гузашта бар асари 2 таркиш дар меҳмонхонаи Тунис беш аз 40 нафар ва дар масҷиди Кувайт ҳангоми адои намози ҷумъа 27 нафар аз ҷониби ҳамлагарони худкуши ДИИШ кушта шуданд.