Танаффус дар миёни дастаҳои лигаи олии кишвар

Душанбе 30.06.2015 (АМИТ «Ховар», Фарзонаи Давлат).-Шурӯъ аз дирӯз, 29-юми июн байни дастаҳои лигаи олии кишвар танаффус эълон гардид.
Бино ба иттилои ФФТ, баъди анҷоми марҳилаи аввали мусобиқаи қаҳрамонии Тоҷикистон байни дастаҳои лигаи олӣ як моҳ танаффус эълон шудааст.
Ёдрас мешавем, ки дастаи «Истиқлол»-и пойтахт дар бозии даври 9-уми мусобиқаи қаҳрамонии футболи Тоҷикистон бар тими “Вахш”-и Қӯрғонтеппа бо ҳисоби 5-0 пирӯз шуда, ғолиби марҳалаи аввали сабқати лигаи олӣ гардид. Дар бозии дигари даври 9-ум дастаи “Хуҷанд”-и Хуҷанд дар майдони худ бар тими “Барқи тоҷик»-и Душанбе бо ҳисоби 1-0 ғолиб омада, бо 20 имтиёз мавқеашро дар зинаи дуюми ҷадвали мусобиқа устувор намуд.
Дар зинаи сеюми ҷадвал дастаи «Хайр»-и шаҳри Ваҳдат бо 16 имтиёз қарор дорад.