61 донишҷӯи ДДТТ соҳиби дипломи аъло гардид

 Душанбе, 7.07.2015. (АМИТ «Ховар», Раъно Нусратуллозода).- «Дар нимсолаи аввали соли ҷорӣ 194 донишҷӯ аз донишгоҳ хориҷ карда шуд. Ҳамзамон дар давраи таътили зимистона 50 нафар донишҷӯ барқарор гардид»,-зикр намуд  ректори Донишгоҳи  давлатии тиббии Тоҷикистон (ДДТТ) ба номи Абӯалӣ ибни Сино Убайдулло Қурбонов.
А.Қурбонов иброз дошт, ки аз факултаҳои тиббӣ,  стоматологӣ, фармасевтӣ ва дигар факултаҳо, дар маҷмӯъ 1 ҳазору 147 нафар донишҷӯ имтиҳонҳоро бомуваффақият супориданд. Аз теъдоди хатмкунандагон 141 нафар тибқи квотаи президентӣ таҳсил дошта, 48 нафарро донишҷӯёни хориҷӣ ташкил медиҳанд. Дар соли 2015  61 нафар ДДТТ-ро бо дипломи аъло хатм намуд.