Аҳди роҳбарони ҷавонони кишварҳои СҲШ дар бораи иқдомоти муштарак

Душанбе, 09.07.15. (АМИТ «Ховар»). – Назар  ба  хабари дафтари  матбуоти  Шӯрои  ҷавонони  СҲШ, роҳбарони  ҷавонони  кишварҳои  СҲШ  дар  ҷаласаи шӯро  дар  Бошқирдистон аз рӯи  масоили ҳамкорӣ, табодули  фарҳангӣ ва варзиш барои  роҳбарияти  давлатҳояшон пешниҳодҳо  ироа  менамоянд. 
Ёдовар  мешавем, ки  аз  8 то  10  июл дар  шаҳри  Уфа  ҳамоиши  СҲШ  ва БРИКС  баргузор  мешвад. Дар  ҳошияи  ҳамоиш ҷаласаи Шӯрои ҷавонони  кишварҳои  СҲШ  доир  мегардад, ки дар  он 30  нафар  намояндагони  ҷавонони Тоҷикистон,  Русия, Чин,  Қазоқистон  ва  Қирғизистон иштирок  мекунанд.
«Сиёсатмадорони ҷавон  масоили  маорифу  фарҳангро,  аз  қабили  роҳандозии  чунин  чорабиниҳо,  монанди  фестивалу  намоишгоҳҳои  байналмилалӣ  бахшида ба воқеаҳои гуногун  мавриди  муҳокима  қарор  медиҳанд. Ғайр  аз  ин  масоили  таъсиси  мукофотҳо ва  барномаҳои ҳавасмандгардонӣ  ва  варзиш баррасӣ  мешаванд», — зикр  намуданд  дар  дафтари  матбуот.