Афзоиши истеҳсоли маҳсулоти кишоварзӣ дар хоҷагиҳои деҳқонӣ

Душанбе, 16.07.2015. (АМИТ «Ховар», Ситораи Боймурод).- Дар нимсолаи аввал дар хоҷагиҳои деҳқонӣ ва ҷамоавӣ ҳаҷми умумии маҳсулоти кишоварзӣ 2084,5 млн. сомонӣ, аз ҷумла дар соҳаи растанипарварӣ 1874,7 млн. сомонӣ ва дар соҳаи чорводорӣ 209,8 млн. сомониро ташкил дод, ки нисбат ба ҳамин давраи соли гузашта мутаносибан 310,2, 299,9 ва 10,2 млн. сомонӣ зиёд мебошад,- гуфт вазири кишоварзии Ҷумҳурии Тоҷикистон Маҳмадтоҳир Зокиров имрӯз 16 июл зимни нишасти матбуотӣ.
Дар ин давра, истеҳсоли ғалладонагиҳо ба 547147 тонна, картошка-163543, сабзавот-410660, полезӣ-145497, мева-30341, ангур-1232, гўшт-63481, шир-327463, пашм-4144 тонна, асал-519, гўшти моҳӣ-335 тонна ва тухм 165,3 млн. дона расонида шудааст, ки нисбат ба ҳамин давраи соли гузашта ба ғайр аз истеҳсоли мева, истеҳсоли дигар маҳсулотҳо, аз ҷумла ғалла-59346 тонна, картошка — 26286 тонна, сабзавот-62638 тонна, полезӣ-16607, ангур — 554 тонна, гўшт-2961, шир-7882, пашм-187, асал-18, гўшти моҳӣ-4 тонна ва тухм-13,3 млн. дона зиёд мебошад.