Ҷалби шаҳрвандони Тоҷикистон ба корхонаҳои Санкт-Петербург

Душанбе, 22.07.2015. (АМИТ «Ховар», Лайло Тоирӣ).-  Маросими  ифтитоҳи Марказ оид ба ҷалби муташаккилонаи шаҳрвандони Ҷумҳурии Тоҷикистон барои фаъолияти меҳнатӣ дар корхонаҳои Санкт-Петербурги Федератсияи Русия 21 июл дар шаҳри Душанбе баргузор гардид. Тавре ки аз хадамоти матбуоти Вазорати меҳнат, муҳоҷират ва шуғли аҳолӣ иттилоъ доданд,  маркази мазкур байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Кумитаи меҳнат  ва шуғли аҳолии  Санкт-Петербурги Федератсияи Русия таъсис шуда, таҷҳизоти зарурӣ аз ҷониби  ин кумита  таъмин гардид. Дар марказ хизматрасонӣ ба шаҳрвандон ройгон буда,  шароити хуби корӣ ба роҳ монда мешавад.
Инчунин дар ҷараёни сафари намояндагони Санкт-Петербурги Федератсияи Русия баргузории семинари омўзишӣ барои кормандони марказ ба нақша гирифта шудааст.