Амалиёти қувваҳои низомии Афғонистон дар вилояти Тахор
Душанбе, 01.07.15. (АМИТ «Ховар»). – Амалиёти фарогири қувваҳои низомии Афғонистон дар ҳудуди вилояти Тахор барои аз силоҳбадастон тоза кардани вулусволии Хуҷагар идома дорад.
Чанд рӯз пеш силоҳбадастони «Толибон» ба як қатор посбонгоҳҳои пулис ҳамла оварда, қисми зиёди хоки вулусволиро забт намуданд. Назар ба иттилои шабакаи телевизионии «Тулӯъ», дар ҷараёни задухӯрд 2 нафар кормандони Вазорати умури дохила ҳалок шуданд.
Тибқи ҳисобот, амалиётҳои минбаъда имкон дод, ки 10 шаҳрак аз шӯришгарон озод карда шаванд. Алҳол қувваҳои мусаллаҳ ба сӯи вулусволии Дашти Арчаи вилояти Қундуз ҳаракат мекунанд. Онҳо ният доранд, ки вақтҳои наздиктарин силоҳбадастонро аз деҳаҳои боқимонда берун кунанд.
Мувофиқи хабари дигар, дар вулусволии Дуркади вилояти зикршуда боз як задухӯрд ба вуқӯъ пайваст. Ҳокими ҷонибдори Толибони вулусволии мазкур кушта шуда, 7 нафар силоҳбадастони ӯ захм бардоштаанд. Дар ҷараёни амалиёти ҳарбӣ 3 нафар хидматчиёни пулиси маҳаллӣ ба ҳалокат расиданд.
Масъулини Сафорати Тоҷикистон дар Русия бо фаъолони ҷамъиятӣ ва донишҷӯёни тоҷики муассисаҳои таҳсилоти олии шаҳри Қазон мулоқот намуданд
Федератсияи футболи Тоҷикистон дараҷаи тиллоии Хартияи футболи оммавии Конфедератсияи футболи Осиёро ба даст овард
Имрӯз дар шаҳри Душанбе ҳаво 18 дараҷа гарм мешавад
Имрӯз дар баъзе ноҳияҳои Тоҷикистон чангу ғубор ба амал меояд
«МегаФон Life»: Навсозиҳо ҳаётро сабуктар менамоянд
Ширкати саҳомии «Инновейтив Роуд Солюшнз ЛТД» дар Тоҷикистон IRS 17 400 тонна маводи зиддилағзиш захира намудааст
Доир ба нақши маориф дар тарбияи насли ваҳдатсоз вохӯрӣ доир гардид
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
