Ҳамлаи силоҳбадастон ба нуқтаҳои назоратии яке аз вулусволиҳои вилояти Вардак

Душанбе, 03.07.15. (АМИТ «Ховар»). – Шаби рӯзи  панҷшанбе  силоҳбадастони  «Толибон» дар  ҳудуди  вилояти Вардаки  Афғонистон ба нуқтаҳои  назоратии  пулиси маҳаллии  вулусволии Ҷалрез ҳамла  оварданд. 
Дар натиҷаи  амалиёти  ҳарбӣ  шӯришгарон  6 нуқтаи  назоратиро  ишғол  намуданд. 
Мувофиқи  маълумоти  расонаҳои  мухталиф,  дар  ҷараёни  амалиёти  ҳарбӣ  аз  2  то  5  нафар хидматчиёни  пулиси  маҳаллӣ ҳалок шудаанд. Дафтари  матбуоти  волии  вилоят хабар  медиҳад, ки  толибон талафоти зиёде дидаанд.
Дар  ҷараёни  задухӯрдҳо 10  нафар  сокинон ҳам осеб диданд. Ҳаракати  нақлиёт дар  роҳи мошингарди Вардак – Бомиён  муваққатан қатъ  гардида,  ронандагони  тақрибан  400  мошин маҷбур  буданд, ки то  хатми тирпарронӣ  ҳаракат  накунанд, хабар  медиҳад  Агентии  иттилоотии «Пажвок».