Ҷамшеди Шуҷоат: таъсиси кафедраҳои наву тахассусӣ дар назар аст

Душанбе,  24.07.2015 (АМИТ «Ховар», Рафоати Абдулҳамид).-«Дар  донишкадаи мо ду факултет- «Санъати тасвирӣ» бо кафедраҳои «Мусаввирии дастгоҳӣ», «Графикаи дастгоҳӣ» ва факултети «Дизайн» бо кафедраҳои «Санъати муҷассамавӣ ва технологияи иттилоотӣ» фаъолият дошта, дар онҳо 430 донишҷӯ таҳсил менамояд. Инчунин кафедраи донишкадавии «Забонҳо ва фанҳои гуманитарӣ» фаъолият дорад»,-гуфт  Ғанизода Ҷамшеди Шуҷоат, ректори  Донишкадаи давлатии санъати тасвирӣ ва дизайни Тоҷикистон  24 июл зимни нишасти матбуотӣ.
Тибқи иттилои ректори донишкада дар оянда бо назардошти навтаъсис будани донишкада барои  равнақи минбаъдаи он ташкили кафедраҳои нав ва устохонаҳои гуногуни тахассусӣ дар назар аст.