Аризаҳои шаҳрвандон унвонии Вазорати адлия

Душанбе,  23.07.15. (АМИТ «Ховар», Марҳабои  Азамат). — «Ба Вазорати  адлияи  ҶТ  1194 аризаи шаҳрвандони  ҷумҳурӣ,  аз ҷумла  418  ариза ба  унвони  дастгоҳи  марказии  вазорат  расидааст. Ҳамаи  аризаҳои  шаҳрвандон  дар  мӯҳлати  муқарраркардаи  қонун  мавриди  баррасӣ  қарор  гирифтанд», —  гуфт  дар  нишасти  матбуотӣ Вазири  адлияи  ҶТ  Рустами  Шоҳмурод. 
Дар  давраи  ҳисобот  роҳбарияти  вазорат 200  нафар  шаҳрвандонро  қабул  намуд. «Аризаю  шикоятҳои   шаҳрвандон  асосан  ба  фаъолияти  судҳо, нотариати  давлатӣ,  сабти ҳуҷҷатҳои  ҳолати  шаҳрвандӣ,  иҷрои  муҷозоти ҷиноятӣ ва таҷзияи  судӣ  дахл  мекунанд», —  гуфт вазир.