Ҳавои рӯзи иди саиди Фитр чӣ гуна хоҳад буд?

    Душанбе, 16.07.2015.(АМИТ «Ховар», Марзия Саидзода).- Фардо дар рӯзи иди саиди Фитр ҳавои кишварамон абрноку бебориш буда, танҳо дар доманакӯҳҳои вилояти  Хатлон, дар  кӯҳҳои вилояти Суғд ва  навоҳии  тобеии марказ борони кӯтоҳмуддат меборад.
   Назар ба иттилои Сайёра Навҷувонова-мутахассиси Маркази обуҳавошиносии ҷумҳурӣ: дар баъзе ноҳияҳои Вилояти Мухтори Кӯҳистони Бадахшон ҳам боридани боронҳои кӯтоҳмуддат пешгӯӣ   мешавад.
         Сокинони ҷануби кишвар -вилояти Хатлон иди саиди Фитрро  дар ҳавои гарм, ки ақрабаки ҳароратсанҷи ҳаво рӯзона +37-42 дараҷа гармиро  нишон медиҳад, таҷлил менамоянд. Шабона ҳаво дар ин вилоят +24-29 дараҷа гарм мешавад. Дар шимоли кишвар — вилояти Суғд ҳарорати ҳаво шабона +22-27 ва рӯзона + 35-40 дараҷа гарм, дар ноҳияҳои тобеи марказ шабона +19-24, рӯзона +36-41 дараҷа гарм мешавад. Дар ғарби ВМКБ шабона +18-23, рӯзона +26-31 ва дар шарқи ҳамин вилоят шабона +6-11, рӯзона +20-25 дарҷа гарм мешавад.
              Ҳавои Душанбе фардо дар рӯзи иди Фитр рӯзона +38-40  ва шабона +20-22 дараҷа гарм мешавад. Имрӯз сокинони Душанберо гармии +39-41 дараҷа интизор аст.