Аз беэҳтиётӣ 3 нафар дар об ғарқ шуд

Душанбе, 09.07.2015. (АМИТ «Ховар», Лайло Тоирӣ).- Ҳангоми  оббозӣ дар кӯлу ҳавзҳо ва рӯдхонаҳои кишвар 8 июли соли равон аз беэҳтиётии худ 3  шаҳрванд ғарқ шуда, ба ҳалокат расид.
Сокини 29-солаи ноҳияи Ёвон ҳангоми оббозӣ дар канали ҳудуди деҳаи Пахтакори ҳамин ноҳия аз беэҳтиётии худ ғарқ шуда, ҳалок шуд.
Ҳамчунин зимни оббозӣ дар канали обгузари деҳаи Гулистони ноҳияи Хуросон сокини 45-солаи ноҳияи мазкур ғарқ шуда, фавтидааст.
Сокини  15-солаи шаҳри Хоруғ низ ҳангоми оббозӣ кардан дар канали обгузар ғарқ шуда, ҳалок шудааст.