Б. Ғафуров: бунёди 4 корхонаи нави саноатӣ дар шаш моҳ

Душанбе 06.07.2015 (АМИТ «Ховар», Рафоати Абдулхамид).- Дар шашмоҳаи аввали соли равон дар ноҳияи калонтарини вилояти Суғд-ноҳияи Бобоҷон Ғафуров  4 корхонаи нави саноатӣ бо 60 ҷои корӣ бунёд гардид. Ба иттилои Хадамоти матбуоти раиси вилояти Суғд корхонаҳои саноатии ноҳияи Бобоҷон Ғафуров ба маблағи 142,4 миллион сомонӣ маҳсулот истеҳсол намудаанд, ки  нисбат ба ҳамин давраи соли гузашта 13,2 миллион сомонӣ зиёд буда, суръати афзоиши маҳсулоти саноатӣ бо нархҳои муқоисавӣ 110,2 фоизро ташкил медиҳад.
 Зимнан, дар ноҳияи Бобоҷон Ғафуров 89 адад корхонаи хурду бузург фаъолият мебарад.