«Барқчиён», «Чайна» ва «Офтобак» интизори кӯдаконанд

Норак, 04.07. 2015. (АМИТ “Ховар”, Субҳониддини Маҳмуд).-    Шуъбаи маорифи шаҳри Норак  уҳдадор шудааст, ки дар мавсими имсола 6540 нафар кӯдакро бо истироҳати тобистона  фаро гирад. 
Тибқи иттилои  раиси Кумитаи иттифоқи касабаи  маорифи шаҳри Норак  Абубакр Фозилов ҳоло дар басти якум  дар кӯдакистонҳо, истироҳатгоҳҳои  берун аз шаҳрии  «Барқчиён» ва  «Чайна», дар назди  муассисаҳои таълимии шаҳр ва истироҳатгоҳҳои дохилии шаҳрии «Офтобак» 1735 нафар  кӯдакону  наврасон ба истироҳат фаро гирифта шудаанд.                                         Корҳо дар ин самт идома дошта,    шуъбаи маорифи шаҳр  тамоми кӯшиши худро  ба он равона месозад, то нақшаи пешбинишударо амалӣ созад.