Баррасии масоили татбиқи лоиҳаи КАСА -1000 дар мулоқоти Қ.Расулзода бо Н. Ханженкова

Душанбе, 03.07.2015. (АМИТ «Ховар»). — Имрўз Сарвазири мамлакат Қоҳир Расулзода бо Директори иҷроии Бонки аврупоии таҷдид ва рушд дар Осиёи Марказӣ ва Туркия  Наташа Ханженкова  мулоқот кард.
Дар мулоқот масоили марбут ба ҳамкорӣ ва иштироки муштарак дар татбиқи лоиҳаи бузурги минтақавии хатти интиқоли нерўи барқи КАСА -1000  ва  таҷдиду навсозии нерўгоҳҳои обӣ барассӣ шуд.
Ҷонибҳо ҳамзамон доир ба дастгирии бахши хусусӣ, соҳибкории хурду миёна ва тақвияти ҳамкорӣ дар соҳаҳои кишоварзӣ ва хоҷагии манзилию коммуналӣ табодули афкор намуданд.