БДА ҶТ: Ҳалокати 199 нафар бар асари садамаҳои нақлиётӣ

Душанбе, 13.07.2015. (АМИТ «Ховар», Манижа Баҳромзода)-Дар давоми 6 моҳи соли равон дар роҳҳои мошингарди ҷумҳурӣ 650 садамаи нақлиётӣ ба қайд гирифта шудааст, ки бар асари онҳо 199 нафар фавтида, 705 нафари дигар ҷароҳатҳои гуногуни ҷисмонӣ бардоштааст.
Аз Раёсати БДА-и ВКД ба АМИТ «Ховар» иттилоъ доданд, ки зимни гузаронидани санҷишҳои махсуси  кормандони ин ниҳод дар 6 моҳи соли равон ҳамагӣ 646 ҳазору 044 ҳолати вайронкунии қоидаҳои ҳаракат  аз ҷониби ронандагон ошкор гардид, ки аз ин теъдод  4 917-тоаш  дар ҳолати мастӣ,  26 033-то бидуни ҳуҷҷати ронандагӣ, 805  ҳолат бинобар  доштани шишаи сиёҳ, 3 072-то бидуни рақами давлатӣ, 467-то бо рақами бегона, 91 654-то дар ҳолати афзоиши суръат ва 149 ҳазору 830 ҳолат ҳангоми зер намудани пиёдагардону велосипедронон ба қайд гирифта шудааст.