Бокс дар Кӯлобу қаиқронӣ дар Муъминобод

  Душанбе, 22.07.2015. (АМИТ «Ховар», Некрӯзи Муҳаммадсодиқ),-   Мусобиқаи ҷумҳуриявӣ оид ба бокс байни наврасони  соли таваллуди  1999-2000 аз 1 то 5 августи соли 2015 дар шаҳри Кӯлоби вилояти Хатлон гузаронида мешавад. Сардовари мусобиқа А. Азимов (ш. Кӯлоб) ва саркотиб Қ. Норов (ш. Душанбе) муайян шуда, ҳайати доваронро дар мувофиқа бо комиссияи ваколатӣ интихоб менамоянд. 
25-26 июли соли 2015 дар ноҳияи Муъминободи вилояти Хатлон мусобиқаи ҷумҳуриявӣ оид ба қаиқронӣ байни наврасони соли таваллуди  1998-2001 доир мешавад.
Сардовари мусобиқа Н. Сафаров ва саркотиб Р. Муҳсиддинов муқаррар гардида, ҳайати доваронро дар мувофиқа бо комиссияи ваколатӣ интихоб менамоянд.  
Дар ин бора аз Кумитаи ҷавонон, варзиш ва сайёҳии назди Ҳумати Ҷумҳурии Тоҷикистон ба АМИТ «Ховар» иттилоъ доданд.