Боздиди Рамазон Ҳамро аз қисми низомии 3503 дар шаҳри Хоруғ

Душанбе, 29.07.2015 (АМИТ «Ховар», Лайло Тоирӣ).- Вазири корҳои дохилӣ Раҳимзода Рамазон Ҳамро дар доираи сафари корӣ дар вилояти Мухтори Кӯҳистони Бадахшон 28 июл аз қисми низомии 3503-и Раёсати қӯшунҳои дохилии Вазорати корҳои дохилӣ, ки дар шаҳри Хоруғ мустақар аст, боздид ба амал овард.
Зимни боздид вазири корҳои дохилӣ бо шароити хизматии афсарону сарбозони қисми ҳарбӣ аз наздик шинос шуд. 
Зикр гардид, ки аз ҷониби Сарвари давлат ва Ҳукумати ҷумҳурӣ барои дар шароити мусоид хизмат намудани сарбозон тамоми тадбирҳои зарурӣ андешида шуда, қисмҳои ҳарбӣ тармиму таҷдид гардида, ба талаботи замони муосир мутобиқ гардонида шудаанд.