Боздошти садҳо нафар бо гуноҳи узвият ба ДИИШ

 Душанбе, 20.07.2015. (АМИТ «Ховар», Тоҷиддин Аҳмадзода)-Арабистони Саудӣ 431 нафарро бо гуноҳи узвият ба ДИИШ боздошт кардааст. Амалиёти густардаи неруҳои амниятии Арабистони Саудӣ пас аз силсилаи ҳамлаҳое сурат мегирад, ки тавассути ДИИШ бар зидди полис ва шиъаёни ин кишвар анҷом дода шуданд. Ба гузориши хабаргузории «Рейтерз», Вазорати корҳои дохилии Арабистони Саъудӣ эълом кард, ки аксари боздоштшудагон шаҳрвандони ҳамин кишвар ҳастанд, аммо дар миёни онҳо теъдоде аз хориҷиҳо низ вуҷуд доранд. Ин иттилоия аз бекор намудани чандин бомбгузориҳои маргталабона дар масҷидҳо, марказҳои дипломатӣ ва неруҳои амниятии ин кишвар хабар додааст.