Бунёди иншооти ҷашнӣ дар Файзобод

 Файзобод, 9.07.2015.(АМИТ «Ховар»,  Зебо   Давлатзода).-  Ба  иттилои директори  ЧДММ «Нур»  Умед  Назиров  дар   шоҳроҳи   ҷамоати  Калъаи дашт  ва  шоҳроҳи   ҷамоати   деҳоти   Мискинободи ноҳияи Файзобод  бахшида  ба  рӯзи  Истиқлоли  кишвар  як  бинои  хуштарҳу  замонавӣ  ба   истифода   дода   мешавад. Дар  бинои  мазкур  барои  ташхис дастгоҳи ултрасадо гузошта шуда, ошхона, ҳаммом, толори  варзишӣ, мағоза,  бунгоҳи  тиббӣ  то   ҷашни    Истиқлол   ба  истифода  дода  мешаванд. Дар баробари ба истифода додани ин иншоот беш аз   25  нафар соҳиби  ҷои  кор  мегардад.