Бунёди корхонаҳои муштараки коркарди маҳсулоти кишоварзӣ ниёз ба ҷалби сармоя доранд

Душанбе, 13.07.2015. (АМИТ Ховар).  Роҳандозии ҳамкориҳои васеи байналмилалӣ дар арсаҳои кишоварзӣ, инчунин бунёди корхонаҳои муштарак дар соҳаҳои коркарди маҳсулоти кишоварзӣ, коркарди пашм ва пўст, пахтакорӣ, боғдорӣ ва сабзавоткорӣ, чорвопарварӣ, замбўрпарварӣ ва азхудкунии заминҳои нав ниёз ба ҷалби технологияи инноватсионӣ ва сармоя доранд,- гуфт Сарвари давлат Эмомалӣ Раҳмон дар Форуми кишоварзии Тоҷикистону Ҳиндустон.
Президенти мамлакат афзуд, ки соҳаҳои мазкур ва инчунин коркарду нигаҳдории маҳсулоти кишоварзӣ ба хотири афзоиши иқтидори содиротии кишвар аз ҳисоби маҳсулоти аз лиҳози экологӣ пок ва корхонаҳои муштараки нассоҷӣ бояд дар ояндаи наздик аз љумлаи самтҳои афзалиятноки муносибатҳои Тоҷикистону Ҳиндустон бошанд.
Умедворам, ки дар ростои талошҳои муштарак ба тавсеаи ҳамкориҳои ду кишвар такони тоза хоҳем бахшид, — таъкид намуд Эмомалӣ Раҳмон.